კლუბის აღწერა

ილიას სახელმწიფო უნივერსიტეტის ტურიზმის სტუდენტური კლუბი უზრუნველყოფს სტუდენტებისათვის ტურიზმის პოპულარიზაციას, გაცნობასა და ინფორმირებულობას, ასევე ტურიზმის მიმართულების სტუდენტური პროექტების დაგეგმვასა და განხორციელებას, რაც ხელს შეუწყობს ამ მიმართულებით ცნობიერების ამაღლებას და მათ მონაწილეობას სხვადასხვა პროექტსა და ღონისძიებაში. კლუბი ღიაა როგორც ქართულენოვანი, ისე საერთაშორისო სტუდენტებისათვის, შესაბამისად, არ გვაქვს ენობრივი ბარიერი, მთავარია, სტუდენტი დაინტერესებული იყოს ტურიზმის ინდუსტრიით.

კლუბი საინტერესო ღონისძიებებით ხელს უწყობს სტუდენტური ცხოვრების წახალისებასა და გამრავალფეროვნებას.

კლუბის მიზნები

• სტუდენტური ცხოვრების გამრავალფეროვნება;
• ტურიზმის შესახებ ცნობიერების ამაღლება;
• მულტიკულტურული გარემოს გაუმჯობესება;
• გასვლითი, მათ შორის სათავგადასავლო აქტივობების, შემეცნებითი და სხვ., ღონისძიებების ორგანიზება;
• საჯარო ლექციების, შეხვედრების, რომლებიც დაკავშირებული იქნება ტურიზმის მიმართულებასთან, დებატების, ჩემპიონატების და სხვ. ორგანიზება;
• სხვადასხვა უნივერსიტეტთან  (მათ შორის საერთაშორისო) ერთად პროექტებში  მონაწილეობა.

ახალი წევრების მიღების პირობები

• კლუბში გაწევრიანება შეუძლია ილიაუნის ნებისმიერი მიმართულების მოქმედ ან ყოფილ სტუდენტს;
• მსურველმა წერილობით უნდა მიმართოს მიმღებ პირებს, რის შემდეგაც ის ავტომატურად მიღებული იქნება და აღირიცხება მონაცემთა ბაზაში.